Atyraý oblysyndaǵy Ganıýshkıno men Aqqystaý vokzaldary paıdalanýǵa berildi
ASTANA. KAZINFORM – Atyraý oblysyndaǵy Ganıýshkıno jáne Aqqystaý temirjol vokzaldarynda jańǵyrtý jumystary aıaqtaldy.
Vokzal ǵımarattarynyń qasbetteri men ishki bólmeleri jańartylyp, ınjenerlik jelilermen shatyrlary aýystyryldy, sondaı-aq jańa jıhaz ben qajetti jabdyqtar ornatylyp, vokzal mańy abattandyryldy.
Jańǵyrtý nátıjesinde Ganıýshkıno vokzalynyń jalpy aýmaǵy 249,5 sharshy metrden 713,3 sharshy metrge deıin ulǵaıdy, al Aqqystaý vokzalynyń aýmaǵy 202,3 sharshy metrden 214,7 sharshy metrge deıin keńeıtildi.
Oblys aýmaǵy arqyly 9 jolaýshylar poıyzy qatynaıdy. 2026 jyldyń basynan beri olarmen 253,8 myń jolaýshy tasymaldandy.
Aıta ketelik Qyzylorda oblysyndaǵy úsh tarıhı vokzal jańǵyrtýdan keıin qaıta ashylǵan edi.
