Atyraý oblysyndaǵy Batys Prorva ken ornynda aýaǵa gaz atqylady

ATYRAÝ. KAZINFORM – Atyraý oblysyndaǵy Batys Prorva ken ornyndaǵy №437 uńǵymada gaz atqylady. Qazir uńǵyma aýmaǵy qorshalǵan. 

«Embimunaıgaz» Aq baspasóz qyzmetinen málim etkendeı, oqıǵa 6 naýryzda Jylyoı aýdanynda bolǵan.

– «Jylyoımunaıgaz» munaı-gaz óndirý basqarmasynyń Batys Prorva ken alańyndaǵy №37 uńǵymada perforatsııadan keıin sorapty-kompressorlyq qubyrdy túsirý kezinde gaz atqylady. Sonyń saldarynan soraptyq-kompressorlyq qubyr isten shyqty, - dep habarlady kompanııanyń baspasóz qyzmeti.

Ken ornyndaǵy oqıǵadan munaıshylar zardap shekpegen.

– «Embimunaıgaz» AQ-da jedel shtaby qurylyp, shuǵyl sharalardy júrgizýdi qolǵa aldy. Ken ornyndaǵy uńǵymanyń aýmaǵy qorshaldy. Aqaýdy qalypqa keltirý jumystary bastaldy, - dep málim etti kompanııanyń baspasóz qyzmetinen.

Oqıǵa ornynda «Aq Beren», «Semser Órt sóndirýshi», «SOP Atyraý» JShS mamandary jumys istep jatyr.

Eske sala ketelik, budan buryn Atyraý oblysynda jolǵa burǵylaý qaldyǵy tógilgenin habarlaǵan bolatynbyz.