Atyraý oblysyndaǵy Batys Prorva ken ornynda atqylaǵan gaz alaýy toqtatyldy

ATYRAÝ. KAZINFORM – Eki kún Atyraý oblysyndaǵy Batys Prorva ken ornynda gaz atqylaǵan edi. Búgin uńǵyma tyǵyndalyp, gaz atqylaýy toqtatyldy.

«Embimunaıgaz» AQ-nyń baspasóz qyzmetinen málim etkendeı, búgin 8 naýryzda saǵat 16:40-ta №437 uńǵymany tyǵyndaý jumysy aıaqtalǵan. 

– «Jylyoımunaıgaz» basqarmasynyń Batys Prorva ken ornyndaǵy N437 uńǵymada gaz atqylaýy tolyqtaı toqtatyldy. Uńǵyma tyǵyndaldy. «Aq Beren» JShS-niń áskerı avarııalyq-qutqarý qyzmeti mamandarynyń kómegimen uńǵymanyń saǵasyna ámbebap gıdravlıkalyq preventor qoıyldy, -dep málim etti kompanııanyń baspasóz qyzmeti. 

Ken ornyndaǵy aqaýdy qalpyna keltirý jumysyna «QazMunaıGaz» UK» AQ basqarma tóraǵasynyń orynbasary Bekzat Abaıyldanov jetekshilik etken. Aqaýdy joıýǵa «Embimunaıgaz» AQ tarapynan jedel shtab qurylyp, «Aq Beren», «Semser – Órt sóndirýshi» jáne «SOP Atyraý» JShS-niń mobıldi kúzet qurylymdary tartylǵan. 

Eske sala ketelik, Atyraý oblysyndaǵy Batys Prorva ken ornynda aýaǵa gaz atqylaǵanyn jazǵan bolatynbyz. 

Keıin Atyraý oblysyndaǵy ken ornynda aýaǵa atqylaǵan gaz alaýy áli toqtamaaǵynyn habarlaǵan edik.