Atyraý oblysyndaǵy Baǵyrlaı kanalyna 10 jyldan soń mol sý kelip jatyr

ATYRAÝ. KAZINFORM – Atyraý oblysyndaǵy Baǵyrlaı kanalyna 10 jyldan soń mol sý kelip jatyr.

«Qazsýshar» RMK Inder óndiristik ýchaskesiniń ókili Suńǵat Esenjanulynyń aıtýynsha, Baǵyrlaı – Inder aýdanyndaǵy 4 kanaldyń biri. Kanalǵa sáýirdiń 20-nan keıin mol sý kele bastaǵan.

«Batys Qazaqstan oblysynyń aýmaǵynan bastaý alatyn kanaldyń uzyndyǵy – 105 shaqyrym. Kanalǵa buǵan deıin Jaıyq ózeninen eki nasospen sý aıdalyp kelgen edi. Al bıyl Jaıyqqa mol sý kelip, Baǵyrlaı arnasy tabıǵı jolmen sýǵa tola bastady. Bul kanalda sońǵy jyldan beri mundaı mol sý bolmaǵan edi», - deıdi Suńǵat Esenjanuly.

Onyń aıtýyna qaraǵanda, Inder aýdanyndaǵy «Baǵyrlaı» kanalyndaǵy sý aýyl sharýashylyǵy maqsatynda qoldanylady.

Eske sala ketelik, Atyraý oblysynyń BQO-men shekaradaǵy Baǵyrlaı kanalyna mol sý kelgenin habarlaǵan bolatynbyz.