Atyraý oblysyndaǵy 4 kanalǵa jóndeý júrgizý úshin 3,1 mlrd teńge jumsalady

ATYRAÝ. KAZINFORM — Atyraý oblysynyń Inder aýdanyndaǵy 4 kanaldy jóndeýden ótkizýge 3,1 mlrd teńge jumsaý kózdelip otyr. Bıyl kanaldyń bireýine júrgiziletin jóndeý aıaqtalady. 

Inder aýdanynyń ákimi Daryn Shamuratovtyń aıtýynsha, 4 kanaldyń jalpy uzyndyǵy — 313 shaqyrym. 

«Sharýa qojalyǵynyń jetekshileri kanaldarǵa jóndeý júrgizýdi alǵa tartyp otyr. Máselen, uzyndyǵy 75 shaqyrym bolatyn «Alǵabas-Joryq» kanaly 2020 jyly kúrdeli jóndeýden ótti. Bıyl oǵan jóndeý jumystaryn júrgizemiz degen jospar bar. Bıyl Kóktoǵaı aýyldyq okrýginiń aýmaǵyndaǵy 80 shaqyrymdyq «Aqsaı» kanalyna jalǵasatyn jóndeý jumysy aıaqtalady. Al, uzyndyǵy 105 shaqyrymdy quraıtyn «Baǵyrlaı» kanaly men 53 shaqyrymǵa sozylǵan «Quraıly saı» kanaldaryna júrgiziletin jóndeýge baılanysty konkýrs ótkizildi. Merdiger anyqtaldy. Kún raıy jylynǵan kezde jumys bastalady. Jalpy Inder aýdanyndaǵy atalǵan kanaldardy jóndeý jumystaryna 3 mlrd 100 mln teńgeni quraıtyn qarajat jumsalatyn bolady», - dep habarlady Daryn Shamuratov. 

Eske sala ketelik, buǵan deıin Atyraýda «Aýyl amanaty» jobasymen 1,5 mlrd teńgeniń 192 jobasy qarjylandyrylǵanyn habarlaǵan edik.