Atyraý oblysyndaǵy 153 aýyldyń 132-si ǵana ınternet jelisimen qamtylǵan

ATYRAÝ. KAZINFORM – Atyraý oblysynda 153 aýyl bar. Onyń ishinde 132 eldi meken ınternet jelimen qamtylyp otyr.

Tele2/Altel помог МВД РК задержать интернет-мошенников
Фото: Shutterstock.com

Atyraý oblystyq tsıfrlandyrý jáne arhıvter basqarmasynyń basshysy Almas Kópjanovtyń aıtýynsha, qazirgi kezde óńir turǵyndaryn ınternetpen qamtý úlesi 99,6%-dy quraıdy. 

– Atyraýda 5G tehnologııasy boıynsha ınternetke qoljetimdilikti qamtamasyz etetin 108, Jylyoı aýdanynyń ortalyǵy – Qulsary qalasynda 6 bazalyq stantsııa bar. Al 132 aýylda talshyqty-optıkalyq baılanys jelisimen qamtyldy. Bul aýyldardy ınternet jelisine keń jolaqty qoljetimdilikti qamtamasyz etý jobasyna sáıkes ornatyldy. Endi «Qoljetimdi ınternet» ulttyq jobasy aıasynda 38 eldi mekenge talshyqty-optıkalyq ınternet jelisin júrgizý, oblystyq jáne respýblıkalyq mańyzy bar jolda úzdiksiz baılanyspen qamtamasyz etý josparlanyp otyr. Soǵan sáıkes avtomobıl joldaryna mobıldi keń jolaqty ınternetpen qamtý úshin tsıfrlyq ınfraqurylym salynady. Transmıssııalar ornatylyp, elektr energııasy jetkiziledi, - dep habarlady Almas Kópjanov. 

Onyń deregine qaraǵanda, bul jospardy iske asyrý maqsatynda «KSELL» AQ jáne aýdan ákimdikteriniń mamandarymen birge respýblıkalyq avtomobıl joldarynda antennalyq-dińgektik qurylym qondyrylatyn oryndar qosymsha zerdelengen. 

– ADQ ornatý oryndary naqtylanyp, talshyqty-optıkalyq baılanys jelisi men elektr energııasyn qosýǵa tehnıkalyq sharttar alyndy. Jumysty jedeldetý úshin 5 ADQ qurylysyna jobalyq-smetalyq qujatyn ázirleýge demeýshi kompanııamen memorandým jasaqtaldy. Jobalyq-smetalyq qujatqa saraptamadan oń qorytyndy alyndy, -dep málim etti Almas Kópjanov.

Eske sala ketelik, buǵan deıin Atyraý oblysyna 7 myń tonnadan astam suıytylǵan gaz jetkizilgenin habarlaǵan edik. 

Сейчас читают