Atyraý oblysynda JRVI juqtyrǵandardyń 64 paıyzy – 14 jasqa tolmaǵan balalar
ATYRAÝ. KAZINFORM – Atyraý oblysynda byltyrǵy 1 qazannan jiti respıratorlyq vırýsty ınfektsııanyń 66 myńǵa jýyq jaǵdaıy tirkelip otyr.
Atyraý oblystyq sanıtarııalyq-epıdemıologııalyq baqylaý departamentiniń ókili Aıkórkem Nurǵalıevanyń aıtýyna qaraǵanda, bul 2023 jyldyń sońǵy 3 aıyndaǵy kórsetkishten az.
– Jiti respıratorlyq vırýstyq ınfektsııany juqtyrǵandardyń 64 paıyzy – 14 jasqa deıingi balalar. Al 1 jasqa deıingi sábılerdiń úlesi 3 paıyzdy qurap otyr. Atalǵan vırýsty 500-den asa júkti áıel juqtyrǵan, -dep habarlady Aıkórkem Nurǵalıeva.
Onyń pikirinshe, JRVI men tumaý aýrýynyń belgileri baıqalsa, dárigerge júgingen jón.
– Aýrýdyń negizgileri belgileri joǵary temperatýra, jalpy ıntoksıkatsııa, álsizdik, tamaq aýrýy pen murynnyń bitelýinen baıqalady. Mundaı jaǵdaıda naýqastarǵa ózin-ózi emdeýge bolmaıdy. Turǵylyqty mekenjaıy boıynsha dárigerdiń kómegine júginý qajet, -dep málim etti Aıkórkem Nurǵalıeva.
Eske sala ketelik, budan buryn Atyraý feldsherleri júkti áıeldi úıinde bosandyryp, egizdiń ómirin saqtap qalǵanyn habarlaǵan edik.