Atyraý oblysynda jolǵa burǵylaý qaldyǵy tógilgen
ATYRAÝ. KAZINFORM – Atyraý oblysynda Taısoıǵan aýyldyq okrýginiń aýmaǵyndaǵy jolǵa barlaý uńǵymasyn burǵylaý qaldyǵy tógilgeni aqparat tarady.
«Embimunaıgaz» AQ-nyń baspasóz qyzmetiniń málimetinshe, bul derek 12 aqpanda anyqtalǵan.
– «Qaınarmunaıgaz» munaı-gaz óndirý basqarmasyna qarasty Taısoıǵan-1 ýchaskesindegi ST-1 barlaý uńǵymasyn burǵylaý kezinde shyqqan qaldyqtar arnaıy tehnıkamen tasymaldanady. Qaldyqtar tasymaldaý kezinde jerge tógilgeni anyqtaldy. Barlaý uńǵymalarynyń qurylys jumystarynyń kelisim-shartyna sáıkes burǵylaý qaldyqtaryn tasymaldaýdy, óńdeýdi jáne kádege jaratýdy «Embimunaıgaz» AQ-nyń seriktesi – «MunaıServıs Ltd» JShS júzege asyryp jatyr. Qazir merdiger mekememen birlesip, qara joldyń lastanǵan jerin tazalaý boıynsha jedel sharalardy qolǵa aldy. Qaldyqtar tógilgen aýmaqty tazalaý jumystaryna 15 adam jáne arnaıy tehnıkalar bólindi. Taldaý jumystaryn júrgizý úshin topyraq úlgileri alyndy. Atalǵan derekke qatysty jaǵdaı baqylaýǵa alyndy, - dep habarlady kompanııanyń aspasóz qyzmeti.
Eske sala ketelik, budan buryn Atyraýda kompanııalarǵa salynǵan 42 mlrd teńge aıyppuldyń 26 mlrd teńgesi óndirilgenin jazǵan edik.