Atyraý oblysynda jol boıynda baılanys antennalaryn ornatý jumystary bastalmaǵan

ASTANA. KAZINFORM – Atyraý oblysynda jol boıynda ornatylýy tıis baılanys antennalardyń birde-bireýi boıynsha jumys bastalmaǵan. Bul týraly Úkimet otyrysynda Premer-Mınıstr Oljas Bektenov aıtty.

«Serik Jambyluly sizderdiń óńirlerińizde jol boıynda ornatylýy josparlanǵan antennalardyń birde-bireýi boıynsha jumystar bastalmaǵan. Qandaı sharalar qabyldap jatsyzdar?», - dep surady Úkimet basshysy óńir ákimi Serik Shápkenovten.

Atyraý oblysy ákiminiń aıtýynsha, óńirde 153 eldi mekenniń 132-si keńjolaqty ınternet jelisimen qamtylǵan. Qalǵan eldi mekenderde adam sany az. Tipti, 50 adamnan da az turǵyny bar aýyldar bar. «Qoljetimdi ınternet» jobaıasy aıasynda baılanys sapasyn arttyrý jumystary qolǵa alynǵan. 38 eldi mekenge talshyqty-opıtkalyq ınternet jelisi júrgiziledi. 

«Shynynda da 5 antenna dińgegi qurylysy boıynsha kesteden qalyp otyrmyz. Qazirgi ýaqytta jobalyq-smetalyq qujattamasy demeýshiler tarapynan jasalyp jatyr. Keshikken sebebimiz, birinshiden, antenna dińgeginiń smetasyn jasaıtyn kezde mamandar shaqyrǵan edik. Olar qurylys salatyn oryndardy qamtý aımaǵyn keńeıtý, «aq daqtar» bolmaýy úshin ózgertti. Ekinshiden, antenna bıiktigin kóterdi», - dedi ol.

Serik Shápkenov, buǵan qosa, antenna dińgekteri kóktemde sý basqan jerlerde salynýy tıis bolǵandyqtan kesteden qalyp otyrǵandyqtaryn aıtty.