Atyraý oblysynda jol apatynan jedel járdem qyzmetkeri mert boldy
Atyraý oblysynda Dossor-Beıneý baǵytyndaǵy jolda tórt kólik kólik soqtyǵysty. Jol-kólik oqıǵasynan jedel járdem qyzmetkeri kóz jumdy, dep habarlaıdy Kazinform.
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy keshe, 9 qańtar kúni saǵat 18:30 shamasynda bolǵan.
«Dossor-Beıneý tas jolynyń 74-shaqyrymy tusynda tórt avtokóliktiń qatysýymen iri jol-kólik oqıǵasy tirkeldi. 1995 jylǵy júrgizýshi Gazel avtokóligimen jedel járdem brıgadasynyń kóligine soqtyǵysqan. Al, 31 jastaǵy júrgizýshi IVECO avtokóligimen Rolfo Sirio avtokóligi soqtyǵysqan. Jol-kólik oqıǵasynyń saldarynan jedel-járdem avtokóligindegi 1964 jylǵy medıtsına qyzmetkeri oqıǵa ornynda qaza tapty. Qazir tıisti is-qujattary jınaqtalyp jatyr» dep habarlady departamenttiń baspasóz qyzmeti.
Belgili bolǵandaı, Gazel avtokóliginiń júrgizýshisi buǵan deıin QR Ákimshilik quqyq buzýshylyq týraly kodeksiniń 593-babynyń 2,3 bóligimen, 590-babynyń 5-bóligimen, al, jedel-járdem kóliginiń 1997 jylǵy 590-baptyń 5-bóligimen, 594-baptyń 1-bóligi jáne 593-babynyń 2-bóligimen ákimshilik jaýapkershilikke tartylǵan.
«Kólik júrgizýshileri aýa raıynyń kúrt ózgerýine baılanysty jol júrisi erejelerin qatań saqtaǵany jón. Bul adam ólimine soqtyratyn jol-kólik apatyna ushyraýdan saqtaıdy» dep málim etti departamenttiń baspasóz qyzmetinen.
Eske sala ketelik, buǵan deıin Atyraý oblysynda 2 kúnde jol-kólik oqıǵasynan 3 adam kóz jumǵanyn jazǵan bolatynbyz.
