Atyraý oblysynda jol apatynan 37 jastaǵy jolaýshy kóz jumdy
ATYRAÝ. KAZINFORM – Atyraý oblysynda taǵy bir jol-kólik oqıǵasy tirkeldi. Jo apatynyń saldarynan 37 jastaǵy jolaýshy mert boldy.
Atyraý oblystyq polıtsııa departamenti baspasóz qyzmetiniń aqparatyna qaraǵanda, jol-kólik oqıǵasy keshe, 28 qańtarda bolǵan.
– Kúndizgi saǵat 11:40 shamasynda Inder-Qarabaý baǵytyndaǵy tas joldyń 9-shaqyrymy tusynda eki kólik – Lexus pen Toyota soqtyǵysty. Jol apaty Lexus avtokóligi júrgizýshisiniń joldyń qarsy baǵytyna shyqqanynan bolǵan. Jol-kólik oqıǵasynyń saldarynan Lexus avtokóliginde otyrǵan 37 jastaǵy jolaýshy oqıǵa ornynda qaza tapty, -dep habarlady departamenttiń baspasóz qyzmeti.
Al 1 adam túrli dene jaraqatyn alǵan. Zardap shekken 38 jastaǵy jolaýshy aýrýhanaǵa jetkizildi.
Polıtsııa qyzmetkerleri atalǵan jol-kólik oqıǵasyna baılanysty tıisti is qujattaryn jınaqtady.
Eske sala ketelik, budan buryn Atyraý oblysynda jol apatynan 2 kóliktiń júrgizshisi men 1 jolaýshy mert bolǵanyn habarlaǵan edik.
Keıin moped aıdaǵan 16 jasar atyraýlyq jol apatynan soń aýrýhanaǵa jetkizilgen bolatyn.