Atyraý oblysynda jol apatynan 32 jastaǵy júrgizýshi mert boldy
ATYRAÝ. KAZINFORM — Atyraý oblysynda jeńil kólik jol jıegine aýdarylyp qaldy. Jol apatynan 32 jastaǵy júrgizýshi oqıǵa ornynda qaza tapty.
Atyraý oblystyq polıtsııa departamenti baspasóz qyzmetiniń aqparatyna súıensek, jol-kólik oqıǵasy 26 qańtarda saǵat 19:00 shamasynda bolǵan.
«Respýblıkalyq mańyzy bar Atyraý-Oral tas jolynyń 154-shaqyrymy tusynda Lada Granta avtokóligi aýdaryldy. Tekserý kezinde 1992 jylǵy júrgizýshisiniń rýlge ıe bola almaǵany anyqtaldy. Júrgizýshi oqıǵa ornynda qaza tapty.
Kólik júrgizýshisiniń 24 qańtar kúni jyldamdyqty shamadan tys asyrý deregi «Kıber-Sherıf» qurylǵysy arqyly anyqtalǵan. Júrgizýshige jyldamdyqty 133 km/saǵatqa deıin asyrǵany úshin QR Ákimshilik quqyq buzýshylyq týraly kodeksiniń 592-babynyń 2-bóligimen hattama toltyrylǵan», - dep habarlady departamenttiń baspasóz qyzmeti.
Eske sala ketelik, buǵan Atyraý polıtseılerine «Kıber-Sherıf» qurylǵysy ornatylǵan 28 kólik berilgenin jazǵan edik.
Oblystyq polıtsııa departamentiniń bastyǵy Nurhat Orazbaevtyń aıtýynsha, bul qurylǵynyń beınekamerasy 360 gradýstaǵy kórinisti baqylap, bir mezgilde 50 avtokólikti qadaǵalaı alady. Jyldamdyqty shekten tys asyrý, qarsy baǵytqa shyǵý, kórinbeıtin memlekettik tirkeý nómirlerin taqqan, urlanǵan nemese boryshkerler júrgizgen kólikti avtomatty túrde anyqtaıdy. Quqyq buzýshylyq derekteri polıtsııa qyzmetkerleriniń qatysýynsyz, avtomatty túrde bazaǵa túsedi.
