Atyraý oblysynda jol apatynan 2 júrgizýshi men 2 jolaýshy kóz jumdy

ATYRAÝ. KAZINFORM — Atyraý oblysynyń Qurmanǵazy aýdanynda 2 kólik soqtyǵysty. Jol-kólik oqıǵasynan 4 adam mert boldy.

Bul derekti Atyraý oblystyq polıtsııa departamentiniń baspasóz qyzmeti rastady. Jol-kólik oqıǵasy keshe 15 shildede bolǵan. 

— Kúndizgi saǵat 12:30 shamasynda Aqtóbe-Atyraý-Reseı Federatsııasynyń shekarasy baǵytyndaǵy joldyń 814-shaqyrymy tusynda Toyota Ipsum jáne EXEED avtokóligi soqtyǵysty. Jol apatynyń saldarynan oqıǵa ornynda 4 adam qaza tapty. Onyń arasynda kóliktiń júrgizýshileri bar. Al, 2-eýi — EXEED kóliginde bolǵan jolaýshylar, — dep málim etti departamenttiń baspasóz qyzmeti.

Qazir atalǵan jol-kólik oqıǵasyna baılanysty qylmystyq is qozǵaldy. Tergeý amaldary júrgizilip jatyr. 

Sondaı-aq, bul aýdannyń aýmaǵynda 15 shildede saǵat 22:15 shamasynda taǵy da jol-kólik oqıǵasy tirkeldi. Atalǵan baǵyttaǵy joldyń 856-shaqyrymynda Toyota Crown jáne GAV GA8 avtokólikteri sıyrǵa soqtyǵysqan. Jol-kólik oqıǵasyna qatysty tergep-tekserý amaldary bastaldy.

Eske sala keteıik, buǵan deıin Atyraýda kólik qaqqan 2 bala aýrýhananyń jansaqtaý bólimine túskenin habarlanǵan edik.