Atyraý oblysynda jol apatynan 2 kóliktiń júrgizshisi men 1 jolaýshy mert boldy
ATYRAÝ. KAZINFORM – Atyraý oblysynda 2 jeńil kólik soqtyǵysty. Jol apatynyń saldarynan 2 kóliktiń júrgizshisi men 1 jolaýshy oqıǵa ornynda kóz jumdy.
Atyraý oblystyq polıtsııa departamentiniń baspasóz qyzmeti rastaǵan aqparatqa qaraǵanda, jol-óklik oqıǵasy búgin, 27 qańtarda bolǵan.
– Kúndizgi saǵat 10:35 shamasynda Aqtóbe-Atyraý-Astrahan tasjolynyń 474-shaqyrymynda Ravon jáne Lada Priora avtokólikteri soqtyǵysty. Jol-kólik oqıǵasynyń saldarynan 2 jeńil kóliktiń júrgizýshileri men Lada Priora avtokóligindegi jolaýshysy oqıǵa ornynda qaıtys boldy.
Al 1 jolaýshy Maqat aýdandyq ortalyq aýrýhanaǵa jetkizildi, - dep habarlady departamenttiń baspasóz qyzmeti.
Qazir jol-kólik oqıǵasyna baılanysty tıisti is qujattary jınaqtalyp jatyr. Jol apatynan saldarynan Ravon kóligi órtenip ketken.
Al Lada Priora kóliginiń júrgizýshisimen birge anasy mert bolǵan.
Eske sala ketelik, budan buryn Atyraýda jol apatynan 16 jasar jasóspirim mert bolyp, 2 adam aýrýhanaǵa jetkizilgenin jazǵan bolatynbyz.