Atyraý oblysynda jol apatynan 2 adam kóz jumyp, beseýi aýrýhanaǵa tústi
Atyraý oblysynda jol-kólik oqıǵasynan eki adam mert bolyp, beseýi aýrýhanaǵa jetkizildi, dep habarlaıdy Kazinform.
Atyraý oblystyq Polıtsııa departamenti baspasóz qyzmetiniń málimetinshe, oqıǵa 26 jeltoqsanda boldy.
«Jylyoı aýdanynda jergilikti ýaqytpen saǵat 14:27 shamasynda Qulsary - Sarqamys tasjolynyń 4-shaqyrymy tusynda eki kólik soqtyǵysty. Jol apatyna ushyraǵan kóliktiń biri – VAZ-2115, ekinshisi – Lada Largus. Eki adam oqıǵa ornynda kóz jumdy. Barlyǵy VAZ-2115 avtokóliginde bolǵan. Olar – 39 jastaǵy júrgizýshi men jolaýshy. Al Lada Largus-tiń 39 jastaǵy júrgizýshisi men 4 jolaýshysy aýrýhanaǵa jetkizildi», - dep habarlady departamenttiń baspasóz qyzmetinen.
Patrýldik polıtsııa qyzmetkerleri jol apatynyń sebebin anyqtaý úshin tergeý amaldaryn bastady.
Eske sala ketelik, buǵan deıin Atyraý oblysynda jol apatynan bir adam mert bolyp, tórteýi aýrýhanaǵa jetkizilgen bolatyn.
