Atyraý oblysynda jyl basynan beri jol apatynan 56 adam qaza tapqan
ATYRAÝ. KAZINFORM – Atyraý oblysynda jyl basynan beri jol apatynan 56 adam qaza tapqany tirkelgen.
Atyraý oblystyq polıtsııa departamenti janyndaǵy patrýldik polıtsııa rotasy komandıriniń orynbasary Almaz Zakarıevtiń aıtýynşa, óńir aýmaǵyndaǵy oblystyq, respýblıkalyq mańyzy bar trassalarda jol qozǵalysy qaýipsizdigi baqylaýǵa alynǵan.
«Osy maqsatta Іshki ister mınıstriniń 2016 jylǵy №10 buıryǵyna sáıkes tas joldarda jarqyldaýyq maıak qurylǵysynsyz jáne syrtqy ІІM aıyrym belgisi joq qyzmettik avtokólikterdiń qozǵalysyn jasyryn anyqtaýyna ruqsat berilgen. Maqsat – jol apattarynyń aldyn-alý. Atyraý oblysynda jyl basynan beri jol apatynan 56 adam qaza tapty. Osyndaı sebepke baılanysty profılaktıkalyq baǵyttaǵy is-sharalar kúsheıtiledi», - dedi Almaz Zakarıev.
Onyń pikirinshe, jol-kólik oqıǵasynyń aldyn alý úshin kólik júrgizýshileri este ustaıtyn birneshe keńes bar. Aldymen, júrgizýshiler jolda júrý erejelerin qatań saqtaýy qajet. Ekinshiden, qaýipsizdik sharalaryna mán bergeni jón.
Eske sala ketelik, Atyraý oblysynda erli-zaıypty jol apatynan mert bolǵanyn habarlaǵan edik.
Jol-kólik oqıǵasy keshe, 12 maýsymda bolǵan. Atyraý-Aqtóbe tas jolynyń 454-shaqyrymy tusynda Kia Rio jáne DAF júk kóligi soqtyǵysqan. Jol-kólik oqıǵasynyń saldarynan Kia Rio avtokóligindegi erli-zaıypty eki jolaýshysy oqıǵa ornynda qaza tapty.
