Atyraý oblysynda jyl basynan beri jol apatynan 25 adam mert bolǵan

ATYRAÝ. KAZINFORM – Atyraý oblysynda jyl basynan beri 400-den astam jol-kólik oqıǵasy tirkelgen. Jol apatynan 25 adam mert bolyp, jaraqat alǵandar sany 600-den asqan.

Atyraý oblystyq polıtsııa departamentiniń jergilikti polıtsııa qyzmeti basqarmasy bastyǵynyń orynbasary Ádilbek Shahmetovtiń aıtýynsha, munaıly óńirde adam ólimine soqtyrǵan jol-kólik oqıǵasy azaımaı tur. 

– Máselen, jyl basynan beri tirkelgen jol-kólik oqıǵalarynyń sany 400-den asty. Jol apatynan 25 adam qaza tapty. Al 600-den astam adam túrli dene jaraqatyn aldy. Tas jolda tirkelgen jol apattarynyń bári adamı faktordyń saladyran bolyp otyr. Kólik júrgizýshileri ózine jolaýshylardyń ómirin saqtaý úshin jaýapkershilik júkteletinin sezinbeıdi, -deıdi Ádilbek Shahmetov. 

Onyń deregine qaraǵanda, jol-kólik oqıǵalarynyń birneshe sebebi anyqtalǵan. 

– Birinshiden, júrgizýshiler belgilengen jyldamdyqty shamadan tys asyrady.

Ekinshiden, rýlde kele jatyp, mobıldi telefondy qoldanady.

Úshinshiden, manevr jasaý talaptaryn buzady.

Tórtinshiden, balalardy arnaıy qurylǵysynsyz tasymaldaıdy.

Eń basty faktor – jolda júrý qaǵıdalaryn saqtamaı, dittegen jerge tez barýǵa asyǵý. , -dep málim etti Ádilbek Shahmetov. 

Eske sala ketelik, budan buryn Atyraý oblysynda bir kúnde jol apatynan 5 adam mert bolǵanyn jazǵan edik. 

Sondaı-aq Qulsaryda jol apatynan zardap shekken 5 adam aýrýhanaǵa jetkizilgenin habarlaǵan bolatynbyz.