Atyraý oblysynda jyl basynan beri 753 adam kólik júrgizý kýáliginen aıyryldy

Atyraý oblysynda jyl basynan beri 753 adamǵa kólik júrgizý kýáliginen aıyrý jazasy taǵaıyndaldy, dep habarlaıdy Kazinform.

Atyraý oblystyq soty Qylmystyq ister jónindegi apellıatsııalyq sot alqasynyń tóraǵasy Tátti Ýálıevanyń aıtýynsha, júrgizýshilerge mundaı jazany taǵaıyndaýdyń birneshe sebebi bar.

– Birinshiden, júrgizýshiler kólik quralyn alkogoldik, esirtkilik jáne ýytqumarlyq masań kúıde júrgizgeni anyqtalyp otyr. Ekinshiden kólikti osyndaı kúıdegi adamdardyń júrgizýine jol berilgen. Bıyl 527 adamnyń tarapynan QR Ákimshilik quqyq buzýshylyq týraly kodeksiniń 608-babynda kózdelgen talapty buzý deregi tirkelip otyr. Úshinshiden, 596-babyna sáıkes kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzǵan 108 adam da júrgizýshi kýáliginen aıyryldy, - dedi Tátti Ýálıeva.

Onyń málimetine súıensek, 85 júrgizýshi atalǵan kodekstiń 590, 610, 611 jáne 613-babymen, 33 adam QR Qylmystyq kodekstiń 345-babymen kináli dep tanylǵan.

Eske sala ketelik, Atyraýda bir aıda aıyppulyn tólemeı júrgen 1 myń júrgizýshi ustalǵanyn habarlaǵan bolatynbyz.

Keıin Atyraý oblysynda 15 qoıdy kólik basyp ketkenin jazǵan edik.

Sondaı-aq, Atyraýda 32 jastaǵy júrgizýshi qaqqan 3 adamnyń 2-eýi aýrýhanaǵa jatqyzylǵan edi.

Jolda júrý erejesin buzǵan zeınetker júrgizýshige 483 myń teńge aıyppul salyndy.