Atyraý oblysynda jyl basynan beri 24 mal urlyǵynyń jartysy ǵana ashylǵan
Atyraý oblysynda jyl basynan beri 24 mal urlyǵy tirkelgen. Alaıda, osy kezge deıin urlyqtyń jartysy ǵana ashylǵan, dep habarlaıdy Kazinform.
Oblystyq polıtsııa departamenti krımınaldyq polıtsııa basqarmasynyń bólim bastyǵy, polıtsııa podpolkovnıgi Abaı Jumabaevtyń málimetinshe, mal urlyǵyna baılanysty 9 kúdikti qamaýǵa alynǵan. Qylmystyq ister sotqa joldanǵan.
«Mal urlyǵy ásirese aýyl turǵyndaryn mazalap otyr. Sol sebepten, «Múlikti qorǵaý jónindegi 2021-2023 jyldarǵa arnalǵan baǵdarlamasyn iske asyrý jónindegi is-sharalar» jospary jasaqtaldy. Atalǵan josparyǵ sáıkes, jergilikti atqarýshy organdarmen birge mal urlyǵynyń aldyn alý, ashýǵa baǵyttalǵan birqatar is-shara qabyldandy. Veterınarııa ókilderimen arada qol qoıylǵan memorandýmǵa arnaıy jumys toby quryldy», - deıdi Abaı Jumabaev.
Onyń deregine súıensek, maldy ýaqytsha ustaýǵa arnalǵan 9 arnaıy oryn ashylǵan. Maldy qujatsyz tasymaldanǵan 41 adam ákimshilik jaýapkershilikke tartylǵan. Al, 651 mal arnaıy orynǵa qamalǵan.
«Buryn mal urlaǵan kúdiktiler men jábirlenýshiniń tatýlasýyna baılanysty qylmystyq is toqtatylatyn edi. Іshki ister mınıstrligiń usynymen Qylmystyq kodekske ózgerister men tolyqtyrýlar engizildi. Mal urlyǵynyń jeke normasyna sáıkes kináliler 5 jyldan 12 jylǵa deıin bas bostandyǵynan aıyrý jazasy kózdeldi. Bul ózgeris 2020 jyldyń 11 qańtarynda zańdy kúshine endi», - dep málim etti Abaı Jumabaev.
Eske sala ketelik, buǵan deıin Atyraý oblysynda 100 mln teńgeniń kabeli men elektr baǵanalaryn urlaǵan top ustalǵanyn habarlaǵan edik.
