Atyraý oblysynda jer qatynastary bóliminiń basshysy ózine qol jumsady

ATYRAÝ. KAZINFORM – Qurmanǵazy aýdandyq ákimdiginiń jer qatynastary, sáýlet jáne qala qurylysy bóliminiń basshysy Qýanysh Imashev óz-ózine qol jumsaǵan.

Qaıǵyly oqıǵa 30 qazannan 31 qazanǵa qaraǵan túni bolǵan. Aldyn ala málimet boıynsha, ol ańshy myltyǵynan ózine oq atqan.

Atyraý oblystyq Polıtsııa departamentiniń málimetinshe, atalǵan derek boıynsha Qylmystyq kodekstiń 105-baby (Ózin-ózi óltirýge deıin jetkizý) boıynsha qylmystyq is tirkeldi.

- Oqıǵanyń tolyq mán-jaıyn anyqtaý maqsatynda keshendi sotqa deıingi tergeý amaldary júrgizilip jatyr. Tergeý múddesine baılanysty ózge aqparat jarııalanbaıdy, – dep habarlady vedomstvodan.

Eske salsaq, Atyraýda kámeletke tolmaǵan 2 jasóspirim sýıtsıd jasaǵan.