Atyraý oblysynda Jaıyq jaıylmasyndaǵy qystaqtyń 30 turǵyny evakýatsııalanady

ATYRAÝ. KAZINFORM – Atyraý oblysynyń Mahambet aýdanynda Jaıyq ózeniniń jaıylmasyndaǵy qystaqtyń 30 turǵynyn evakýatsııalaý josparlanyp otyr.

Atyraý oblysynyń jedel shtabynan málim etkendeı, turǵyndar búgin, 9 mamyrda Mahambet aýdanyndaǵy «Leshoz» qystaǵyndaǵy turǵyndardy qaýipsiz aýmaqqa kóshirý týraly sheshim qabyldanǵan. 

«Jaıyq ózenindegi sý deńgeıiniń joǵarylaýyna baılanysty «Leshoz» qystaǵynyń turǵyndaryn evakýatsııalaý josparlandy. Mahambet aýyldyq okrýgine qaraıtyn qystaqta 25 úı bar. Onyń jeteýinde mal sharýashylyǵymen aınalysatyn 30 adam turady. Turǵyndar Mahambet aýylynda ornalasqan D. Tólenov atyndaǵy orta mektepte ashylǵan evakýatsııa pýnkttine ornalasady», — dep habarlady oblystyq jedel shtabtan. 

Eske sala ketelik, budan buryn Atyraýdyń Mahambet aýdanynda 16 balabaqshanyń jumysy onlaınǵa kóshirilgenin habarlaǵan edik.