Atyraý oblysynda iz-túzsiz joǵalǵan eki jigit tabylmaı jatyr

ATYRAÝ. KAZINFORM – Atyraý oblysynda iz-túzsiz joǵalǵan eki jigit tabylmaı jatyr. Onyń biri balyq aýlaýǵa, ekinshisi mal jaıýǵa ketip, qaıtyp oralmaǵan. 

Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, joǵalǵandardyń bireýi Jylyoı aýdanynyń, ekinshisi Mahambet aýdanynyń turǵyny ekeni anyqtalyp otyr. 

«Jylyoı aýdanyndaǵy Shoqpartoǵaı aýylynyń 1991 jylǵy týǵan turǵyny keshki saǵat 19:30 shamasynda Jem ózenine balyq aýlaýǵa shyqqan. Ol jeke qaıyǵymen ketken. Al, Mahambet aýdanynyń Aqjaıyq aýylynda turatyn 26 jastaǵy jigit «Manash» sharýa qojalyǵynyń sharýashylyǵy ornalasqan baǵytqa qaraı mal aıdap shyqqan. Jigitterdiń ekeýi de úıine keri oralmaǵan», - dep habarlady departamenttiń qoǵammen baılanys toby. 

Іz-túzsiz joǵalǵan jigitterden áli kúnge habar-oshar bolmaı tur. Joǵalǵan eki jigitti izdestirý jumysy jalǵasyp jatyr. 

«Atyraý oblysynda sý tasqyny áli tolastaǵan joq. Osy kezde turǵyndarǵa qaýipsizdik sharalaryn saqtaý, alys jolǵa jalǵyz shyqpaýdy eskertemiz», - dep málim etti departamenttiń qoǵammen baılanys tobynan. 

Eske sala ketelik, budan buryn jasar jetkinshek Jaıyq ózeninen tasyǵan sýǵa batyp ketkenin jazǵan bolatynbyz.