Atyraý oblysynda úı aralap júrgen ýchaskelik polıtseı 70 jastaǵy qarııany órtten alyp shyqty

ATYRAÝ. KAZINFORM – Atyraý oblysyndaǵy Qulsary qalasynda turǵyn úı órtendi. Polıtsııa qyzmetkeri órtten 70 jastaǵy qarııany alyp shyqty.

Atyraý oblystyq polıtsııa departamentiniń baspasóz qyzmetinen málim etkendeı, órt 1 aqpanda bolǵan. 

– Jylyoı aýdandyq polıtsııa bóliminiń ýchaskelik polıtsııa ınspektory, polıtsııa maıory Birjan Zınýllın «Qarý» jedel is-sharasy kezinde turǵyndarǵa qarý saqtaýdyń erejesin túsindirip júrgen. Ol turǵyn úıdiń birindegi órtti baıqap, jedel kómekke umtylǵan. Tútinge oranǵan úı ishinen 70 jastaǵy qarııany qaýipsiz jerge alyp shyqty. Keıin órtti sóndirdi, - dep habarlady departamenttiń baspasóz qyzmeti. 

Egde jastaǵy er adam jedel-járdem brıgadasynyń kóligimen aýdandyq ortalyq aýrýhanaǵa jetkizilgen. Onyń denesin kúıik shalǵan.

Eske sala ketelik, buǵan deıin atyraýlyq polıtseı janarmaı beketinde órtengen kólikti sóndirgenin habarlaǵan bolatynbyz.