Atyraý oblysynda týý kórsetkishi 11,1%-ǵa tómendedi
ATYRAÝ. KAZINFORM — Atyraý oblysynda bıyl qańtar-tamyz aılarynda 8089 bala dúnıege keldi. Bul ótken jyldyń sáıkes kezeńimen salystyrǵanda 11,1%-ǵa az.
Qazaqstan Respýblıkasy Strategııalyq josparlaý jáne reformalar agenttiginiń Ulttyq statıstıka bıýrosynyń málimetinshe, 2026 jylǵy 1 qyrkúıekte oblys halqynyń sany 718,3 myń adamdy qurady. Onyń 394,5 myńy qalada, 323,8 myńy aýylda turady.
Bıylǵy segiz aıda oblysta 2305 adam qaıtys boldy. Bul ótken jyldyń sáıkes kezeńimen salystyrǵanda 0,3%-ǵa az.
Osy kezeńde dúnıege kelgender men qaıtys bolǵandar sanynyń aıyrmasy boıynsha halyqtyń tabıǵı ósimi 5784 adamdy qurady. Byltyr osy ýaqytta bul kórsetkish 6788 adam bolǵan, ıaǵnı tabıǵı ósim 1004 adamǵa azaıdy.
Kóshi-qon boıynsha bıylǵy qańtar-tamyz aılarynda Atyraý oblysynan kóship ketkender sany kóship kelgenderden 3544 adamǵa kóp boldy. Al Atyraý qalasyna qarasty aýmaqta kóship kelgender sany kóship ketkenderden 1008 adamǵa artyq.
Buǵan deıin bala týýǵa baılanysty járdemaqynyń mólsheri men alý tártibi týraly jazǵan edik.
