Atyraý oblysynda bir otbasynyń músheleri izdestirilip jatyr
ASTANA. KAZINFORM — 25 jeltoqsanda Atyraý oblysynyń polıtsııasyna Atyraý qalasynyń turǵyny aǵasy men bir otbasy músheleriniń bir aıdan astam ýaqyttan beri habar-osharsyz ketkeni týraly aryzben júgingen.
Qyzylqoǵa aýdanyna qarasty Jangeldi aýylynyń turǵyndary qarasha aıynda óz úılerinen belgisiz baǵytqa shyǵyp ketip, osy ýaqytqa deıin qaıta oralmaǵan.
Olardyń júrgen jerin anyqtaý maqsatynda polıtsııa qyzmetkerleri barlyq qajetti sharalardy qabyldady. Basqa óńirlerdiń polıtsııa qyzmetkerleri de osy iske jumyldyryldy.
- Qolda bar málimetterge sáıkes, erli-zaıyptylar men olardyń 33 jáne 35 jastaǵy eki eresek balasy eldiń ońtústik óńirlerine baǵyt alýy múmkin.
Atalǵan azamattardyń ornalasqan jeri týraly qandaı da bir aqparatqa ıe bolǵan barlyq azamattardan quqyq qorǵaý organdarynyń 98-20-78, 98-20-88, +7 701 304 00 12 telefon nómirlerine habarlasý suralady, - delingen aqparatta.
Aıta keteıik, Atyraýda úsh adam gazdan ýlanyp kóz jumdy.