Atyraý oblysynda tóbelesten 1 adam mert bolyp, 2-eýi aýrýhanaǵa tústi

ATYRAÝ. KAZINFORM – Atyraý oblysynyń Reseı Federatsııasymen shekarasyndaǵy Qurmanǵazy aýdanynda tóbelesten 1 mert boldy. Eki adam túrli jaraqatpen aýdandyq ortalyq aýrýhanasyna jetkizildi. 

Atyraý oblystyq Polıtsııa departamenti baspasóz qyzmetiniń aqparatyna qaraǵanda, Kýdrıashov selolyq okrýginiń aýmaǵynda ornalasqan Jańaýyl eldi mekeninde janjal týyndaǵan.

– Atalǵan aýyldaǵy janjal kezinde 29 jastaǵy er adamdy óltirgen 30 jastaǵy kúdikti ustalyp, qamaýǵa alyndy. Qazir adam óltirý deregimen qylmystyq is qozǵaldy. Polıtsııa qyzmetkerleri janjalǵa baılanysty keshendi tergeý amaldaryn júrgizip jatyr. Janjal kezinde túrli dene jaraqatyn alǵan 20 jáne 33 jastaǵy eki er adam aýdandyq aýrýhanaǵa jetkizildi, - dep habarlady departamenttiń baspasóz qyzmeti.

Qazir oqıǵanyń mán-jáıi anyqtaý úshin tekserý júrip jatyr. Sońy janjalǵa ulasqan quqyq buzýshylyqqa qatysty 7 kúdikti ustalyp, qamaýǵa alynǵan. Ózge aqparat tergeý múddesine sáıkes jarııalaýǵa jatpaıdy.

Eske sala ketelik, buǵan deıin jańa jyl túninde 15 atyraýlyq otbasynyń shyrqyn buzǵanyn jazǵan edik.