Atyraý oblysynda tasqyn sýdan búlingen kópir bıýdjet esebinen qalpyna keltiriledi

ATYRAÝ. KAZINFORM – Atyraý oblysynda tasqyn sý shaıǵan kópir jergilikti bıýdjet esebinen qalpyna keltiriledi.

Qyzylqoǵa aýdany ákimdigi búlingen kópirge qatysty pikir bildirdi. 

«Áleýmettik jelide aýdandaǵy kópir jáne aýylishilik joldyń buzylǵany týraly foto, beınejazba taralyp jatyr. Osyndaı aqaýlar aldaǵy ýaqytta da anyqtalýy múmkin. Qyzylqoǵa aýdanyna engizilgen tótenshe jaǵdaı aıasynda buzylǵan nysandar aqaýy anyqtalady. Búlingen nysannyń bári jergilikti bıýdjet esebinen qalpyna keltiriledi. Bul jumystar kóktemgi ór sýynyń kelý kezeńi ótken soń bastalady» dep habarlady ákimdikten.

Eske sala ketelik, budan buryn Atyraý oblysyndaǵy bir aýdanda tótenshe jaǵdaı jarııalanǵanyn habarlaǵan edik. 

Keıin Oıyl ózenindegi sý tasqynyna baılanysty Mııaly aýylynan 559 turǵyn evakýatsııalandy.

Sondaı-aq, Mııaly aýylyna tirelgen sýdyń deńgeıi 1 metr 20 sm qurady. 

Oıyl ózeniniń mańynan 7 sharýa qojalyǵy qaýipsiz aýmaqqa kóshirildi.

Al, búgin Mııaly aýylyn tasqyn sýdan qorǵaý jalǵasyp jatqanyn jazǵan bolatynbyz. 
Oıyldyń arnasynan asqan sý Mııaly aýyly mańyndaǵy kópirdi buzyp ketti.