Atyraý oblysynda taǵy da qamys órtenip jatyr
ATYRAÝ. KAZINFORM – Atyraý oblysynda Kaspıı teńiziniń jaǵalaýynda qamys órtiniń 4 oshaǵy anyqtaldy.
Atyraý oblystyq tótenshe jaǵdaılar departamentiniń ımıdjdik jumys jáne syrtqy kommýnıkatsııalar tobynyń málimetinshe, Kaspıı teńiziniń Atyraý oblysynyń aýmaǵyndaǵy jaǵalaýynda qamys janyp jatyr.
– Qamys órtiniń 4 oshaǵy Atyraý qalasynyń mańyndaǵy Tasqala aýylynan 40 shaqyrym qashyqtyqta anyqtaldy. Qazir tótenshe jaǵdaılar departamentiniń 32 qyzmetkeri 3 tehnıkamen oqıǵa ornyna jetip, qamys órtin sóndirýge jumyldyryldy, - dep habarlady departamenttiń ımıdjdik jumys jáne syrtqy kommýnıkatsııalar toby.
Ázirge qamys órtiniń sebebi aıtylǵan joq. Jalynnyń qansha gektar aýmaqty sharpyǵany naqtylanbady.
Eske sala ketelik, buǵan deıin Kaspıı teńiziniń jaǵalaýynda 2 kún qatarynan 5 gektar qamys janǵanyn jazǵan edik.