Atyraý oblysynda sý basqan úılerdi tehnıkalyq baǵalaý jalǵasyp jatyr
ASTANA. KAZINFORM – Jylyoı aýdanynda sý basqan aýmaqty qurǵatý jumystary jalǵasyp jatyr. Bul týraly Atyraý oblysy ákimdiginiń baspasóz hatshysy Rýslan Jumaǵazıev aıtty.
«Qazir 2,8 mln tekshe metr sý shyǵaryldy. Ótken táýlikte elektr energııasyna 56 turǵyn úı men 4 kásipkerlik nysany qosyldy. Sonymen qatar, gaz júıesine 92 úı qaıta qosyldy», - dedi R. Jumanǵazın Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, sý tasqyny kezinde qyrylǵan malǵa qatysty ótemaqy tóleýge ótinim qabyldaý jalǵasyp jatyr. 24-28 sáýir aralyǵynda turǵyndar men sharýa qojalyqtarynan 74 ótinish kelip túsken.
«29 sáýirdegi jaǵdaı boıynsha 3 878 ótinish túsip, 3 600 otbasy birjolǵy materıaldyq kómek aldy. Munymen qosa, jergilikti atqarý organdary nesıesin shegerýge qatysty turǵyndardy tirkep jatyr. Qazir 2 395 myń adam tizimge endi, ıaǵnı bul adamdardyń tizimi bankterge joldanady. Al kelgen shyǵyndy baǵalaý jónindegi komıssııa jumysyna toqtalsaq, 2 692 ótinish kelip tústi. Bul turǵyda 600-den astam úıge tehnıkalyq baǵalaý júzege asyryldy», - dedi baspasóz hatshysy.
Sonymen qatar ol Atyraý oblysynda Jaıyq ózenindegi sý deńgeıi kún saıyn kóterilip jatqanyn aıtty.
Budan buryn habarlanǵandaı, Atyraý oblysynda 41 eldi mekende tasqyn sýǵa qarsy bóget turǵyzyldy.
