Atyraý oblysynda stalkıng úshin alǵashqy úkim shyqty

ATYRAÝ. KAZINFORM - Elimizde Qylmystyq kodekstiń 115-1 («Stalkıng») jańa baby óz kúshine endi. Bul bap boıynsha alǵashqylardyń biri bolyp jaýapkershilikke Qurmanǵazy aýdanynyń turǵyny tartyldy, dep habarlaıdy Atyraý oblysy prokýratýrasynyń baspasóz qyzmeti.

S.K. esimdi azamat óziniń qurbanyn ańdymaq bolyp sheshken. Ol 2025 jyldyń qyrkúıeginde jábirlenýshiniń úıine jıi kelip, terezesinen syǵalaǵan.

Áıel shamadan tys nazarǵa shydaı almaı, quqyq qorǵaý organyna júgingen.

Áıeldiń psıhologııalyq jaǵdaıyna eleýli zııan keltirgen adamnyń ańdý áreketin sot zańsyz dep tanyp jáne oǵan 200 saǵat qoǵamdyq jumys jazasyn taǵaıyndady.

Eske sala ketsek, 2025 jyldyń shildesinen kez-kelgen adamnyń erkinen tys qarym-qatynas ornatýǵa tyrysý (egerde bul zııan keltirse) qylmys bolyp sanalady.

Ańdýshy tipti fızıkalyq qol jumsamasa da.

-QR QK 115-1-babynyń eń aýyr jazasy retinde qamaýǵa alý 50 táýlik, aıyppul 200 AEK, qoǵamdyq nemese túzeý jumystary kózdelgen. Aıta keteıik, izine túsýi, artynan qalmaı ańdý endi zańsyz áreket bolyp sanaldy,-delingen habarlamada.

Osyǵan deıin Almaty oblysynda birneshe aı boıy stalkıng jasaǵan er adamnyń jazalanǵany týraly jazdyq.