Atyraý oblysynda sheteldik jumysshylardy tartýǵa 3,5 myń kvota berilgen

ATYRAÝ. KAZINFORM – Bıyl Atyraý oblysynda sheteldik jumysshylardy tartýǵa 3 myń 581 kvota bólingen. Kvota sany byltyrǵydan 1 564-ke azaıǵan. 

Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń mindetin atqarýshy Erkebulan Ábilqasymovtyń málimetinshe, kvota 4 sanat pen maýsymdyq jumystar úshin beriledi.

– Sheteldik jumys kúshin tartý máseleleri boıynsha arnaıy komıssııa jumys isteıdi. Bıyl oblysta 4 765 kvota qarastyrylyp, onyń 3 581-ine ruqsat berilip otyr. Onyń ishinde birinshi sanatqa jatatyn basshylyq qyzmetkerler úshin 40, ekinshi sanat negizinde joǵary bilikti mamandarǵa 586 kvota bólindi. Al úshinshi sanattaǵy boıynsha orta bilikti mamandardy tartýǵa 2 176, tórtinshi canat aıasyndaǵy jumysshylar úshin 140, al maýsymdyq qyzmetkerlerge 650 kvota berildi. Komıssııa sheshimi negizinde 81 sheteldik mamannyń óńirde qyzmet etýine ruqsat berilgen joq. Aımaqtaǵy eńbek naryǵynyń talaptaryna jáne jergilikti turǵyndardyń jumyspen qamtylýyna basymdyq berilip otyr. Bıyl birinshi sanatqa jatatyn basshylyq qyzmetkerler úshin 40, ekinshi sanat negizinde joǵary bilikti mamandarǵa 586 kvota bólindi. Al úshinshi sanattaǵy boıynsha orta bilikti mamandardy tartýǵa 2 176, tórtinshi canat aıasyndaǵy jumysshylar úshin 140, al maýsymdyq qyzmetkerlerge 650 kvota berildi, - dep habarlady Erkebulan Ábilqasymov. 

Onyń málimetine súıensek, 2022 jyly sheteldik jumys kúshin tartý úshin 6 720 kvota qarastyrylǵan. Al byltyr 5 145 shetel azamatynyń óńirde jumys isteýine ruqsat etilgen. 

– Sońǵy jyldary ózge eldiń azamattaryna beriletin kvota sany azaıyp keledi. Bıyl arnaıy komıssııanyń sheshimimen 81 sheteldik mamanǵa kvota berilgen joq. Aımaqtaǵy eńbek naryǵynyń talabyna sáıkes jergilikti turǵyndardy jumyspen qamtýǵa basymdyq berilip otyr, - dep málim etti Erkebulan Ábilqasymov. 

Eske sala ketelik, budan buryn Atyraý oblysynda 14,5 myń adam jumyssyzdar esebinde turǵanyn jazǵan bolatynbyz.