Atyraý oblysynda sarqyndy sýdy ruqsat etilmegen jerge tókken mekeme basshylyǵy jazalandy
ATYRAÝ. KAZINFORM – Atyraý oblystyq prokýratýrasy sý burý nysandaryn zańsyz paıdalaný jáne qaldyqtardy ornalastyrý faktilerin anyqtady, dep habarlaıdy prokýratýranyń baspasóz qyzmeti.
Anyqtalǵandaı, «A.» JShS basshylyǵy óndiristik bazasynyń aýmaǵynda sarqyndy sýlardy zańsyz tógýdi uıymdastyrǵan.
- Assenızatorlyq tehnıkanyń ıeleri tıisti ruqsatsyz suıyq turmystyq qaldyqtardy tókken. Qadaǵalaý aktileri boıynsha zańsyz kollektor joıylyp, kináli laýazymdy tulǵa tártiptik jaýapqa tartyldy, - delingen habarlamada.
Sonymen qatar onda Mahambet aýdanynda aýyldyq okrýg ákimdigi ekologııalyq ruqsatsyz qoqys polıgonyn paıdalanyp, qurylys qaldyqtaryn jınaqtaýǵa jáne tazartýsyz sarqyndy sýlardy tógýge jol bergeni aıtylǵan.
Qabyldanǵan sharalar aıasynda aýyldyq okrýg ákimi ákimshilik jaýapqa tartylyp, ekologııalyq ruqsat alý boıynsha jumystar júrgizilip jatyr.
Osyǵan deıin ShQO-da kásiporynnyń sarqyndy sýy dalaǵa tógip kelgeni týraly materıal jarııaladyq.
