Atyraý oblysynda Saraıshyq aýylynan adam súıekteri tabyldy

ATYRAÝ. KAZINFORM – Atyraý oblysynyń Mahambet aýdanynda Jaıyq ózeniniń jaǵasyna bóget turǵyzý úshin topyraq alý kezinde adamnyń 12 bas jáne 26 ózge súıegi tabyldy. 

«Saraıshyq» mýzeı-qoryǵynyń dırektory Muhtar Ábilseıittiń aıtýynsha, quzyrly organdardyń mamandary tergeý aldy tekserý jumystaryn bastaǵan.

«Saraıshyq qalashyǵynyń ornynan arheologııalyq qazba kezinde, Saraıshyq aýylynyń mańynda da adam súıekteri jıi tabylady. Óıtkeni, ortaǵasyrlyq Saraıshyqta úlken qorym bar. Qazir Jaıyq ózeniniń jaǵalaýynda myńdaǵan adam bóget soǵý kezinde de adam súıekteri tabylyp otyr. Ádette, mundaı habar jetken boıda mamandar tıisti jumystaryn atqaryp, súıekti ulttyq salt-dástúrge saı qaıta jerleýdi júrgizedi», - deıdi Muhtar Ábilseıit.

Oblystyq jedel shtabtyń málimetinshe, Atyraý oblysynda tabıǵı sıpattaǵy tótenshe jaǵdaı jarııalanýyna baılanysty tasqyn sýǵa qarsy bóget salynyp jatyr. Bul jumys Jaıyq ózeniniń jaǵalaýynda ornalasqan Mahambet, Inder aýdandarynda, Atyraý qalasyna qolǵa alynǵan.

Eske sala ketelik, budan buryn Atyraý oblysynda tótenshe jaǵdaı jarııalanǵanyn jazǵan bolatynbyz.

Sondaı-aq, Atyraý oblysynyń ákimi Serik Shápkenov turǵyndar ómirine qaýip tónse, aldyn ala habarlanatynyn aıtqan edi.

Keıin Jaıyq ózeniniń sýy Atyraý qalasyna qaı tustan kirýi múmkin ekenin habarlaǵan edik.