Atyraý oblysynda pyshaqtalǵan 4 adamnyń bireýi aýrýhanada kóz jumdy
ATYRAÝ. KAZINFORM – Atyraý oblysynda 4 adam pyshaq jaraqatymen aýrýhanaǵa jetkizilgen. Alaıda, onyń bireýi aýrýhanada kóz jumdy.
Atyraý oblystyq polıtsııa departamentiniń baspasóz qyzmetinen málim etkendeı, oqıǵa búgin, 15 sýirde bolǵan.
«Maqat aýdandyq polıtsııa bóliminiń 102 arnasyna 2 adamnyń janjaldasyp turǵany týraly habar tústi. Aýdandyq aýrýhanaǵa 1987 jylǵy 4 adam túrli dene jaraqatymen jetkizildi. Tórteýi de – atalǵan aýdannyń turǵyndary. Zardap shekken adamnyń bireýi dene jaraqatynyń saldarynan aýrýhanada qaıtys boldy» dep habarlady departamenttiń baspasóz qyzmeti.
Qazir atalǵan oqıǵaǵa qatysy bar degen kúdikpen 2003 jylǵy jigit anyqtalǵan.
Kúdiktige qatysty Qylmystyq kodekstiń 106-babynyń 3-bóligimen qylmystyq is tirkelip otyr.
Sotqa deıingi tergep-tekserý bastaldy.
Eske sala ketelik, buǵan deıin Atyraý polıtseıleri moped júrgizýshisin ustaý kezinde qulatyp alǵanyn habarlaǵan edik.
