Atyraý oblysynda nóser jaýyp, Muqyr aýylynda sel júrdi

ATYRAÝ. KAZINFORM — Búgin Atyraý oblysynda jańbyr jaýyp, sońy nóserge ulasty. Nóser kezinde Muqyr aýylynyń kóshelerinde sel júrdi.

Muqyr — Qyzylqoǵa aýdanyndaǵy iri eldi mekenniń biri. Aýyl ákimi Azamat Jaqsıevtiń aıtýynsha, okrýgte 4860 adam tirkelgen. Onyń ishinde 3649 adam Muqyrda turady. 

Bul aýyldyń mańynan Aqtóbe-Atyraý-Reseı Federatsııasynyń shekarasy baǵytyndaǵy jol qatynaıdy. Eldi mekenniń ústimen temirjol ótedi.

— Búgin túsqaıta aýylda jańbyr sirkirep edi. Sońy nóserge ulasty, - deıdi aýyl ákimi Azamat Jaqsıev. 

Ákimniń aıtýynsha, nóserden eshkim zardap shekpegen. Turǵyn úıler men áleýmettik nysandar búlinbegen. Keıbir úılerdiń aýlasyna sý kirgen.

Biraq aýyl kóshelerinde sel júrdi. Jańbyr sýy sarqyrap aǵyp jatyr. 

Aýyl oqýshylary eki mektepte bilim alyp júr. Mekteptiń biri 1941 jyly ashylǵan. 1969 jyldan beri 536 oryndyq ǵımaratqa ornalasqan. Al, ekinshisi — 424 oqýshyǵa arnalǵan bilim ordasy 2021 jyly paıdalanýǵa berilgen.

Sondaı-aq, aýylda «Altyn kilt» balabaqshasy bar. Aýylda klýb salynyp jatyr.
Eske sala ketelik, budan buryn Kaspıı jaǵalaýynda 450 gektardy sharpyǵan qamys órti sóndirilgenin habarlaǵan bolatynbyz.