Atyraý oblysynda moped júrgizýshileri qandaı talaptardy buzyp júr

ATYRAÝ. KAZINFORM – Atyraý oblysynda mopedti júrgizýge qatysty zań talabyn buzǵan 300-ge jýyq júrgizýshi anyqtaldy.

Atyraý oblystyq polıtsııa departamenti protsessıng ortalyǵynyń bastyǵy Jeńis Dáýletovtiń deregine qaraǵanda, byltyr moped pen skýter aıdaǵan júrgizýshiler 147 jol-kólik oqıǵasyna ushyraǵan. Al, bıyl jyl basynan beri 24 jol apaty bolǵan.

— Mopedti júrgizý úshin birneshe talapty oryndaý qajet. Aldymen júrgizýshi kýáligi bolýy kerek. Ekinshiden, kólik tehnıkalyq baıqaýdan ótkizilip, saqtandyrylýy qajet. Úshinshiden, memlekettik tirkeý nómirin resimdelgeni jón. Bul talaptar mopedti mehanıkalyq kólik quraly retinde zań júzinde retteý maqsatynda engizildi. Alaıda, 300-ge jýyq júrgizýshiniń osy talaptardy buzǵany anyqtaldy. Tirkelmegen mopedti júrgizgeni 60-tan astam adam ustaldy. Al, júrgizýshi kýáliginsiz mopedti aıdaǵan 130-ǵa adam ákimshilik jaýapqa tartyldy, — deıdi Jeńis Dáýletov.

Onyń aıtýynsha, 30 moped ıesinde saqtandyrý polısi bolmaǵan. Al, 25 adamnyń ıeligindegi mopedter tehnıkalyq baıqaýdan ótpegen.

Eske sala ketelik, budan buryn Atyraý oblysynyń turǵyny mas kúıde mototsıkl aıdaǵany úshin 20 táýlikke qamaýǵa alynǵanyn jazǵan bolatynbyz.