Atyraý oblysynda mektep oqýshylary onlaın formatqa kóshirildi
ATYRAÝ. KAZINFORM – Atyraý oblysyndaǵy qolaısyz aýa raıyna baılanysty mektep oqýshylary onlaın formatta oqytýǵa kóshirildi. Bul sheshim Atyraý oblysynyń ákimi Serik Shápkenovtiń tóraǵalyǵymen ótken jedel shtabtyń kezekti otyrysynda balalardyń qaýipsizdigin qamtamasyz etý maqsatynda qabyldandy.
– Basty mindet – adam ómiri men densaýlyǵyn saqtaý. Qazgıdromet málimetinshe, jeldiń ekpini erteń de báseńdemeıdi. Qaýipsizdik maqsatynda Atyraý oblysynyń barlyq aýdanynda mektep oqýshylaryn onlaın sabaq formatyna kóshirý kerek, - dedi oblys ákimi.
Eske sala keteıik, 14 jeltoqsanǵa qaraǵan túni Atyraý oblysynda tsıklon júrip, aýa raıy kúrt nasharlady. Barlyq qyzmet kúsheıtilgen jumys rejımine kóshirildi.
Eske sala keteıik, buǵan deıin Atyraýdaǵy dúleı daýyl turǵyn úılerdiń shatyryn ushyryp, elektr jelilerin qıratqanyn jazǵan edik.