Atyraý oblysynda maýsym aıynan beri 89,4 mln balyq shabaǵy qutqarylǵan
ATYRAÝ. KAZINFORM – Atyraý oblysynda maýsym aıynnan beri 89 mln 481 myń balyq shabaǵy qutqarylǵan. Shabaqtar tasqyn kezinde jaıylǵan sýda jınalyp qalǵan.
Jaıyq-Kaspıı oblysaralyq basseındik balyq sharýashylyǵy ınspektsııasynyń bas mamany Almas Jumashevtyń aıtýynsha, Atyraý qalasynyń mańyndaǵy kanaldar men kólshikterden qutqarylǵan shabaq sany 20 mln 393 myńǵa jetken.
Al, Mahambet aýdanynda 1 mln 308 myń, Inder aýdanynda 11 mln 410 myń shabaq qutqarylǵan. Sondaı-aq, Reseı Federatsııasymen shektesetin Qurmanǵazy aýdanynda qutqarylǵan shabaq – 56 mln 370 myń dana.
«Qazir jergilikti atqarýshy organdar men balyq sharýashylyǵy salasyndaǵy qurylymdardyń, «ArnaýlyAvtobaza» JShS-niń qyzmetkerleri, aýmaqtyq áskerı bólimniń sarbazdary shabaqtardy qutqarý jumysyn júrgizip jatyr. Qutqarylǵan shabaqtar ottegi toltyrylǵan qoraptarmen tasymaldanyp, Jaıyq jáne Qıǵash ózenine tiri kúıinde jiberildi. Balyq shabaqtarynyń túri áralýan. Onyń ishinde sazan, taban, kókserke, jaıyn, móńke shabaqtary bar. Shabaqtardyń ortasha salmaǵy – 14 gramm», - dep habarlady Almas Jumashev.
Eske sala ketelik, buǵan deıin Atyraýdaǵy Sokolok kanalynan 1 kúnde 4,2 mln shabaq qutqarylyp, Jaıyqqa jiberilgenin jazǵan bolatynbyz.
