Atyraý oblysynda mal izdeýge shyqqan 4 adam joǵalyp ketken
ATYRAÝ. KAZINFORM — Atyraý oblysynda mal izdeýge shyqqan 4 adam joǵalyp ketken. Onyń arasynda 8 jastaǵy jasóspirim bolǵan.
Bul týraly Atyraý oblystyq Tótenshe jaǵdaılar departamentine búgin, 19 aqpanda saǵat 00:50-de habar túsken.
«Maqat aýdanyndaǵy Maqat kentiniń turǵyndary mal izdeýge shyǵyp, eldi mekenge keri oralmaǵany anyqtaldy. Olar keshe, 18 aqpanda saǵat 08:00-de Maqat kentinen 60 shaqyrym qashyqtyqta ornalasqan qystaqtardyń birine qaraı Toıota avtokóligimen mal izdep, jolǵa shyqqan. Avtokólikte 1967, 1983, 1984 jylǵy úsh adam men 2016 jylǵy bir bala bolǵan», - dep habarlady departamenttiń qoǵammen baılanys toby.
«Búgin, 19 qańtarda saǵat 14:00-de joǵalǵan adamdardy áýeden barlaý júrgizý úshin Tótenshe jaǵdaılar mınıstrliginiń tikushaǵy tartyldy. Tikushaqpen izdestirý-qutqarý jumysy sátti aıaqtalyp, jergilikti ýaqytpen saǵat 14:40-ta joǵalǵan adamdar aman-esen tabyldy. Olardyń Maqat kentinen 80 shaqyrym qashyqtyqta avtokóligii batpaqty jerge batyp, shyǵa almaı qalǵan. Tabylǵan 4 adam medıtsınalyq kómekti qajet etpedi», -dep málim etti departamenttiń qoǵammen baılanys tobynan.
Іzdestirý-qutqarý jumysyna Atyraý oblystyq Tótenshe jaǵdaılar departamenti men Maqat aýdandyq polıtsııa bóliminen, týystarynan 18 adam, 5 tehnıka tartyldy.
Eske sala ketelik, buǵdan buryn Atyraý oblysynda bir kúnde kóligi batpaqqa batqan 15 adam qutqarylǵanyn habarlaǵan edik.
