Atyraý oblysynda Mahambet pen Sarytoǵaı arasyndaǵy jol jabyldy

ATYRAÝ. KAZINFORM — Atyraý oblysy TJ jónindegi jedel shtabynyń  málimetinshe, kóp mólsherde kelip jatqan sýdyń saldarynan Mahambet pen Sarytoǵaıdyń arasynda qatynas úzilgen.  

Mahambet aýdanynyń TJ jónindegi jedel shtabynyń sheshimimen, kóp mólsherde kelip jatqan ór sýynyń baǵytyn burý úshin «Mahambet — Sarytoǵaı» aýylyn jalǵap jatqan tas joly jyryldy, — delingen habarlamada.

Sol sebepti, aýylaralyq qatynasty úzbeý maqsatynda qaıyq tasymaly qyzmeti iske qosyldy.

Sarytoǵaı aýylynynan Mahambet aýylyna jeke kólikpen qatynaýshylar «Seıtek» shaıhanasy janyndaǵy aınalma jolmen óte alady.

Buǵan deıin habarlaǵanymyzdaı, Atyraý oblysynyń Inder aýdanyndaǵy eldi mekenderdiń turǵyndary Inderbor kentine qaıyqpen qatynaǵan bolatyn. 

Túnde Atyraý oblysynda Saraıshyq aýyly mańyndaǵy zırat aýmaǵyna tasqyn sý kirip ketti.