Atyraý oblysynda lokomotıv pen 11 vagon relsten shyǵyp ketip, jumysshylar zardap shekti

ASTANA. KAZINFORM – Oqıǵa búgin, 1 naýryz saǵat 10:20-da bolǵan.

Tendik stantsııasynyń temirjol ótkelinde júk kóligi júrgizýshisiniń kinásinen júk poıyzymen soqtyǵysqan. Apat saldarynan lokomotıv brıgadasynyń qyzmetkerleri zardap shekti. Lokomotıv pen 11 bos vagon relsten shyǵyp ketti.

- 2024 jyly temirjol ótkelderinde avtokólik júrgizýshileriniń jol qozǵalysy erejelerin buzýyna baılanysty 28 jol-kólik oqıǵasy boldy. QTJ osyndaı oqıǵalardyń aldyn alý úshin temirjol ótkelderinde qaýipsizdik erejelerin saqtaýdyń mańyzdylyǵyn eske salady, - dedi «Qazaqstan temir joly» UK» AQ baspasóz qyzmetinen.

Buǵan deıin Qaraǵandy oblysynda vagon relsten shyǵyp ketkenin jazǵan bolatynbyz.