Atyraý oblysynda qutqarýshylar byltyr 172 adamdy qutqardy
Atyraý oblysynyń qutqarýshylary byltyr 172 adamdy qıyn jaǵdaıdan qutqaryp qaldy. Onyń ishinde 61 bala bar, dep habarlaıdy Kazinform.
Atyraý oblystyq tótenshe jaǵdaılar departamenti jedel-qutqarý jasaǵynyń bastyǵy Ádilhan Jumalıevtiń málimetinshe, qutqarýshylar bir jylda 450-den astam avarııalyq-qutqarý jumysyn júrgizgen.
«Byltyr bizdiń jasaqtyń qutqarýshylary 200-ge jýyq izdestirý-qutqarý, avarııalyq-qutqarý jumystaryna bardy. Polıtsııa qyzmetkerlerine kómek kórsetý úshin 180-ge jýyq shaqyrtýǵa baryp, kilttenip qalǵan esikterdi ashty. Bir jyldyń ishinde 111 eresek adam men 61 bala qutqaryldy. Qutqarýshylardyń jedel áreket etip, naýqas adamdarǵa alǵashqy kómek kórsetildi», - dep habarlady Ádilhan Jumalıev.
Onyń aıtýynsha, ata-analar balalaryn qaraýsyz qaldyrmaǵany jón. Óıtkeni, úıde qaraýsyz qalǵan bala balkonǵa, terezeniń jaqtaýyna shyǵýy múmkin. Sháınek, útik, jylytqysh, ne salqyndatqysh sekildi turmystyq elektr qurylǵylaryn qosyp, órt qaýpi týyndaýy ǵajap emes.
Eske sala ketelik, budan buryn Atyraýda turǵyn úıde gaz jarylyp, 5 adamdy kúıik shalǵanyn jazǵan edik.
Keıin kúıik shalǵan er adam qaıtys boldy.
Bir kúnnen soń ekinshi adam aýrýhanada qaıtys bolǵanyn jazǵan edik.
Al, senbide órtte kúıip qalǵan úsh aılyq sábı aýrýhanada kóz jumǵanyn habarlaǵan bolatynbyz.
