Atyraý oblysynda qutqarýshy-psıhologter evakýatsııalanǵan adamdarǵa kómektesip jatyr

ATYRAÝ.  KAZINFORM – Atyraý oblysynyń qutqarýshylary sý tasqynymen kúresip qana qoımaı, turǵyndarǵa psıhologııalyq kómek kórsetip jatyr.  

Áleýmettik qyzmetkerler men psıhologtardan quralǵan top sonyń ishinde TJD psıhologııalyq qyzmet toby evakýatsııalyq pýnktterdi aralap júr. Psıhologtar sý tasqynynan zardap shekken Jylyoı aýdany Qulsary qalasynyń turǵyndarmen áńgimelesip jatyr.

«Bul jaǵdaıda psıhologııalyq kómek adamdarǵa óz jaǵdaıyn jetkizýge kómektesý, olardy tyńdaýǵa múmkindik berý jáne der kezinde aqparattyq kómek kórsete bilý úshin júrgiziledi», - delingen TJM habarlamasynda.

Buǵan deıin Atyraý oblysynan Mańǵystaýǵa kóshirilgen turǵyndar sany artqanyn jazǵan bolatynbyz.

Qulsary qalasynan 33 myńnan astam adam kóshirildi.