Atyraý oblysynda quny 174 mln teńgeden asatyn jer telimi memleketke qaıtaryldy

Atyraý oblysynyń Jylyoı aýdanynda kadastrlyq quny 174 017 800 teńge bolatyn 79 099 ga jer ýchaskesi memleketke qaıtaryldy, dep habarlaıdy Kazinform Atyraý oblystyq prokýratýrasynyń baspasóz qyzmetine silteme jasap.

Baspasóz qyzmetiniń málimetterine qaraǵanda, Jylyoı aýdanynyń prokýratýrasy paıdalanylmaǵan aýyl sharýashylyq maqsatyndaǵy jer ýchaskelerin qaıtarý baǵytynda jumystardy jalǵastyrýda.

Osy rette Jylyoı aýdanyndaǵy «Jana-Tan» JShS osy sanattaǵy jer ýchaskelerin ıgermegeni jáne uzaq ýaqyt boıy (2020j. beri) maqsaty boıynsha paıdalanbaǵany anyqtaldy.

Prokýrorlyq qadaǵalaý sharalarymen atalǵan kásiporyn kadastrlyq quny 174 017 800 teńge bolatyn 79 099 ga jer ýchaskesin memleketke qaıtardy.

«Bolashaqta ony tıimdi paıdalaný úshin muqtaj tulǵalarǵa tabystalatyn bolady»,-delingen habarlamada.