Atyraý oblysynda ken ornynan 10 jumysshy evakýatsııalandy
ATYRAÝ. KAZINFORM - Atyraý oblysyndaǵy «Qaınar» kanalynda sý deńgeıiniń kóterildi. Osyǵan baılanysty ken ornyndaǵy jumysshylardy evakýatsııalaýǵa týra keldi.
Atyraý oblystyq Tótenshe jaǵdaılar departamentiniń qoǵammen baılanys tobynyń aqparatyna qaraǵanda, «AEKK Munai» JShS basshylary ken ornynan jumysshylardy evakýatsııalaýǵa kómek suraǵan.
«Jylyoı aýdanyndaǵy «Qaınar» kanalynda sý deńgeıiniń kóterilýinen avtokólik qatynasy úzildi. Osyǵan baılanysty munaı kompanııasy ken ornynan jumysshylardy evakýatsııalaý úshin qutqarýshylardan kómek surady. Jylyoı aýdandyq №2 mamandandyrylǵan órt sóndirý bóliminiń qyzmetkerleri ken ornyndaǵy 10 jumysshyny «Qaınar» kanalynan jol talǵamaıtyn avtokólikpen ótkizdi. Munaıshylar ken ornynan 25 shaqyrym qashyqtyqtaǵy «Qulsary-Atyraý» tas jolyna deıin jetkizildi», - dep habarlady departamenttiń qoǵammen qoǵammen baılanys toby.
Eske sala ketelik, budan buryn Atyraý oblysynda mal izdeýge shyqqan 4 adam joǵalyp ketkenin habarlaǵan bolatynbyz.