Atyraý oblysynda qańtardan beri alaıaqtyq qylmysynyń 90-ǵa jýyq deregi tirkeldi

ATYRAÝ. KAZINFORM – Atyraý oblysynda bıylǵy qańtardan beri alaıaqtyq qylmysyna baılanysty 90-ǵa jýyq derek tirkeldi. Alaıaqtarǵa 10 zeınetker aldanǵan.

Atyraý oblystyq polıtsııa departamenti kıber qylmysqa qarsy is-qımyl basqarmasynyń aǵa jedel ýákili Sadýaqas Janǵalıevtyń málimetinshe, byltyr 1 myńǵa jýyq alaıaqtyq deregi anyqtalǵan. 

– Atyraý oblysynda jyl basynan beri ınternettegi alaıaqtyqqa qatysty 90-ǵa jýyq derek tirkelip otyr. Alaıaqtarǵa aldanǵandar qatarynda 10 zeınetker bar. Al alaıaqtyqpen baılanysty 37 derekke qatysy bar úsh kúdiktige qylmystyq is qozǵaldy. Qazir tergeý amaldary júrgizilip jatyr, - dep habarla Sadýaqas Janǵalıev. 

Onyń aıtýyna qaraǵanda, polıtseıler «Qazposhta» AQ-nyń Atyraý qalasyndaǵy 20-ǵa bólimshesinde qyzmetti paıdalanýshylarǵa jadnamalar taratqan. Shynaıy poshtalyq habarlamalar men jalǵan SMS-terdi ajyratý joly túsindirilgen. 

– Ásirese zeınetkerler poshta qyzmetin jıi paıdalanady. Sońǵy kezde poshta qyzmetkeriniń atyn jamylyp, alaıaqtyq áreketin iske asyratyndar kóbeıdi. Alaıaqtar turǵyndarǵa sálemdeme kelgeni týraly qońyraý shalady. «Sizge sálemdeme kelip tur» degen jalǵan aqparat jiberedi. Turǵyndardan tórt sandy SMS kodyn surap, keıin onyń atyna iri kólemde onlaın nesıe rásimdeıdi, - dep málim etti Sadýaqas Janǵalıev.

Eske sala ketelik, budan buryn Atyraý soty ýádesinde turmaǵan turǵynǵa 2,9 mln teńgeni tóleýdi mindettegenin jazǵan bolatynbyz.