Atyraý oblysynda qańtardan beri 2599 áıel jumysqa ornalasty
ATYRAÝ. KAZINFORM – Atyraý oblysynda jyl basynan beri 2599 áıel jumyspen qamtylyp otyr. Onyń 426-sy turaqty jumysqa ornalasqan.
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń málimetinshe, bıyl jumyspen qamtý mekemelerine 6 019 áıel habarlasqan.
«Jyl basynan beri 2599 áıel jumyspen qamtyldy. Onyń ishinde 426 áıel turaqty jumysóa ornalasty. Al, memleket tarapynan sýbsıdııalanatyn jumys oryndaryna 2 173 áıel jiberildi. Tarqatyp aıtqanda, 1 654 adam qoǵamdyq, 179 adam áleýmettik jumysqa, 71 jas jastar tájirıbesine, 26 jas «Alǵashqy jumys orny» jobasyna, 243 adam «Kúmis jas» jobasyna jiberilip otyr», - dep habarlady Azamat Mámbetov.
Onyń aıtýyna qaraǵanda, bıyl eńbek naryǵyndaǵy qajettilik eskerilgen. Sóıtip, 281 áıel onlaın skills, al, 152 adam «Bastaý-Bıznes» jobasymen oqytý kýrsynda oqyǵan.
«Kásiptik baǵdarlaýǵa 2540 qyz-kelinshek tartyldy. Al, áleýmettik qoldaý sharalarymen 5572 áıel qamtyldy. Onyń ishinde aýyldarda turatyn 2075 áıel bar», -dep málim etti Azamat Mámbetov.
Eske sala ketelik, budan buryn Atyraýdaǵy jármeńkede 37 kompanııa 522 bos jumys ornyn usynǵanyn habarlaǵan bolatynbyz.
