Atyraý oblysynda kámeletke tolmaǵan 102 bala qaterli isikke shaldyqqan

ATYRAÝ. KAZINFORM – Atyraý oblysynda dıspanserlik esepte qaterli isik aýrýyna shaldyqqan 102 bala tur. Onyń ishinde 1 aılyq sábı bar.

Atyraý oblysynyń shtattan tys onkogematology Gúljan Іlııasovanyń aıtýynsha, onkologııalyq aýrý kámeletke tolmaǵan balalar arasynda da bar.

– Balalar qaterli isik syrqatyna sırek shaldyǵady. Degenmen, kámeletke tolmaǵandardyń arasynda mundaı aýrýdyń paıda bolýyna birneshe faktor áser etýi múmkin. Óıtkeni bul –jasýshalardyń baqylaýsyz ósýi men bólinýi nátıjesinde paıda bolatyn aýrýlar toby. Sol úshin jyl saıyn skrınıngten ótip turýy kerek. Qazir Atyraý oblysynda qaterli isikke shaldyqqan 102 bala dıspanserlik esepte tur. Dárigerlerdiń tekserýinen keıin 1 aılyq sábıge jedel leıkoz dıagnozy qoıyldy, -deıdi Gúljan Ilıasova.

Shtattan tys onkogematolog Gúljan Іlııasova jáne onkogematolog Aıdos Darhanov 1-den 18 jasqa deıingi balalardy qabyldady. Dárigerler 15 balany medıtsınalyq tekserýden ótkizdi. Balalarǵa qajetti medıtsınalyq keńes berilip, dıagnostıkalyq kómek kórsetildi.

Eske sala ketelik, buǵan deıin Atyraýda mıynda suıyqtyq kóbeıgen 3 aılyq sábıge kúrdeli ota jasalǵanyn habarlaǵan bolatynbyz.