Atyraý oblysynda qalyń qarǵa batqan kólikten 10 munaıshy qutqaryldy

ATYRAÝ. KAZINFORM — Atyraý oblysynda kesheden beri aýa raıynyń qolaısyzdyǵy áli saqtalyp otyr.

Атырау облысында қалың қарға батқан көліктен 10 мұнайшы құтқарылды
Фото: ТЖМ

Aqtóbe-Atyraý-Reseı Federatsııasynyń shekarasy baǵytyndaǵy joldyń Qyzylqoǵa aýdanyndaǵy bóliginde kólik qozǵalysyna áli de shekteý bar.

Qyzylqoǵa aýdandyq ákimdiginiń málimetinshe, keshe, 5 naýryzda Qyzylqoǵa aýdanynda qar qursaýynan 10 munaıshy qutqarylǵan. 

— Saǵyz-Mııaly tas jolynyń 25-shaqyrymyndaǵy «Tumar» ken orny mańynda «QazMunaıGaz Burǵylaý» JShS-niń 10 jumysshysy mingen «Ýral» (vahtovka) avtokóligi qarǵa batyp qalǵan. Oqıǵa ornyna Qyzylqoǵa aýdandyq tótenshe jaǵdaılar bóliminiń 2 qyzmetkeri jol talǵamaıtyn «TREKOL» kóligimen jedel jetti. Qutqarý jumystarynyń nátıjesinde jumysshylar Saǵyz aýylyna evakýatsııalandy, — dep habarlady aýdandyq ákimdikten.

Aýdandyq ákimdik aýa raıynyń qolaısyzdyǵyna baılanysty turǵyndarǵa alys jolǵa shyqpaýdy eskertti. 

— Qajettilik týyndamasa, aýa raıynyń qolaısyz kezinde alys jolǵa jeńil kólikpen shyqpaǵan jón. Aýa raıynyń qolaısyzdyǵyn eskerip, qaýipsizdik sharalaryn barynsha saqtaý qajet. Ózińiz ben jaqyndaryńyzdyń amandyǵy mańyzdy ekenin eskerý kerek, - dep habarlady aýdandyq ákimdikten.

Eske sala ketelik, budan buryn Atyraý oblysynda aýa raıynyń qolaısyzdyǵynan eki baǵyttaǵy jol jabylǵanyn jazǵan edik.

Сейчас читают