Atyraý oblysynda fýtbol klýby men 2 iri nysan memleket menshigine qaıtaryldy
ATYRAÝ. KAZINFORM – Atyraý oblysynda buryn senimgerlik basqarýǵa berilgen fýtbol klýby men 2 iri nysannyń jumysyna endi oblystyq dene shynyqtyrý, sport jáne týrızm basqarmasy baqylaý júrgizedi.
Basqarma basshysynyń mindetin atqarýshy Nurbol Sydyqovtyń aıtýynsha, bul – Memleket basshysynyń sporttyq ınfraqurylymdy tıimdi damytý jónindegi tapsyrmasyna sáıkes qolǵa alynǵan.
– Senimgerlik basqarýda bolǵan dene shynyqtyrý-saýyqtyrý kesheni, muz aıdyny men «Atyraý» oblystyq fýtbol komandasy» JShS memleket menshigine qaıtaryldy. Bul ózgeris óńirdegi sport salasynyń ashyqtyǵy men tıimdiligin arttyrýǵa, sporttyq nysandardyń qyzmet sapasyn jaqsartýǵa jol ashady. Memlekettik baqylaýǵa ótkennen keıin bul mekemelerdiń materıaldyq-tehnıkalyq bazasyn jańartý, qyzmet sapasyn kóterý baǵytynda júıeli jumystar júrgiziledi, -dedi Nurbol Sydyqov.
Onyń aıtýyna qaraǵanda, memleket menshigine qaıtarylǵan sporttyq nysandarda balalar men jasóspirimderge arnalǵan tegin úıirmeler men sport sektsııalarynyń jumysy turaqty túrde jalǵasady. Endi senimgerlik basqarýdaǵy ortalyq júzý basseınin memleket menshigine qaıtarý jumystary bastaldy.
Eske sala ketelik, budan buryn «Atyraý» fýtbol klýby bıýdjetten bólingen qarjyny tıimsiz jumsaǵanyn jazǵan edik.